La Fiorina/Atto secondo
|
Edission original: |
nissuna edission indicà |
|
Fonte: |
| ← Atto primo | Edission e fonte ▼ | Atto terzo → |
ATTO SECONDO
[canbia]Scena prima
[canbia]Pasquale e Fiore
PASQUALE (si fa sotto la casa e chiama) O Fiore!
FIORE (di dentor, risponde) Ben?
PASQUALE Ha menò fuora i tusi le biestie?
FIORE Sí, igi.
PASQUALE Da che lò ègi anè?
FIORE A' cherzo che i sipia anè ai prè de soto.
PASQUALE Abi ben mentre de ca' inchin che ven to mare, ché a' vuogio anare per d'inchina live da i tusi, che i no faesse qualche male. (Si allontana).
Scena seconda
[canbia]Marchioro, poi Ruzante
MARCHIORO (con ira, tra sé) Cancaro, a' ghe le vuò dar freme, se 'l ghe torna. A' gh'he mo dito che 'l faze che a' no ghe 'l catre a rasonar co ela, ché a' se darón. Mo a' ghe vuò mo pí dir gniente. Mo a' me vuò tirare chivelòndena de drio a sto macio; e se 'l ghe ven pí, a' ghe farè el verso d'i can, che 'l lagherà la coa in l'usso. (Si appiatta tra i cespugli).
RUZANTE (entrando guardingo) Zà che l'è partío el vegio, a' vuò pur anare a veere s'a' poesse guagnare qualcossa.
MARCHIORO (scoprendosi) Vien pur via, che te guagnarè de belo! A' te buratarè ben mi.
RUZANTE (prima si spaventa, poi fa lo spavaldo) O Verghene Maria! a sto partío, da resguardo, an? Mo te no si' ancora on' te te pensi.
MARCHIORO A' te buraterè ben mi, che te vegna el mal de San Lazaro!
RUZANTE Deh, Críbele! che a' te burirò adosso.
MARCHIORO Vie' pur via, che a' no te temo un agio.
RUZANTE (tirandogli un pugno di sorpresa) Guarda mo questa, se la te sa da çeola.
MARCHIORO Oh, te vegna el morbo in la gola! ch'a' te strupierè.
(Si azzuffano e in fine Marchioro colpisce Ruzante alle gambe facendolo cadere).
RUZANTE Aspieta, làgame levar su. No menar.
MARCHIORO Levare, an? De la Santa! che a' te vuò mazare. (Lo picchia).
RUZANTE Altúrio, altúrio! che a' son assassinò.
MARCHIORO De San Crescinzio! El no ghe varà criare. (A Ruzante) Che a' no t'in daghe? (He) a dir «In vuotu»? (Lo picchia).
RUZANTE (implora senza ritegno) O caro frelo, no m'amazare, che no muore adanò; che a' me comenzo a cagnare in le calçe.
MARCHIORO Che no t'amaza, an?
RUZANTE O mare, agième! O caro frelo, légame pigiare un puo' de fiò, ché a' no sospire de soto via.
MARCHIORO A' m'in vuò cavar la vuogia de dértene quante a' vuogio. (Lo picchia).
Scena terza
[canbia]Pasquale, Ruzante e Marchioro
RUZANTE (grida) O povero mi! Corí, corí, brigà, ch'a' muoro. (A Pasquale che sopraggiunge) O Barba Pasquale, agième, per l'amore de Messier Ieson Dio.
PASQUALE (a Marchioro) Sta' indrío, gioton de merda! Se fa a sto partío, an? (Li divide) Compagni po, che a' ve dissè vergognare. Che vuol dir ste noele? (Marchioro si allontana, ingrugnato).
RUZANTE A' no sè, Barba Pasquale. (Si rimette in piedi a fatica e si confonde) É anasea per anare a veere d'i miè buò, e sí sto traitore me sè vegnú da resguardo, e sí me ha comenzò a menare, e sí me ha conzò al partío che aí vezú.
PASQUALE Mo che no te deparàvitu?
RUZANTE Mo perché, a seganto e le man, a' zapiè su na zopa e sí a' caí; e elo me dè adosso, che a' no m'he possú mé levare.
PASQUALE Te ghe diè int'ogni muò aér fato qualche noela, ché a' no cherzo che 'l t'aesse dò senza cason.
RUZANTE (impacciato) Mi a' no sè che cancaro gh'abi fato.
PASQUALE (con aria canzonatoria) Muogia! Va' pur a ca' e govèrete ben, ché te ghe n'he abú una bona manezà, te sè dire. (Entra in casa).
RUZANTE Mo a' 'l sè an mi, miegio de vu.
Scena quarta
[canbia]Ruzante solo
RUZANTE O Ruzante, desgraziò pí che tuti gi uomeni del roesso mondo! O fortuna, nemiga de tuti i miè piaseri che se può dire e fare, che maleeta situ ti e chi creerà mé in ti! Adesso che a' diea aére un puo' de ben, la m'ha fato cargar de bastonè, e sí m'ha privò de tuto el me ben, che me sa piezo (ché de le bastonè a' ghe son uso aérghene). Che se per mala ventura la Fiore m'ha vezú a dare, la no me vorà pí veere, che la dirà che a' sarò poltron, da puoco, e che no me basta l'anemo; e sí dirà el vero. De muò che 'l no ghe sarà pí armielio negun che a' no me amaze.
O povereto mi, desgraziò che a' son, zà che el me besogna morire per amore, an? Paçinçia, dasché agno cossa ven da Dio. Cancaro, el me duole fieramen sto brazo, ma inanzo che m'amaza, a' me 'l vuò anare a far veere, ché a' cherzo averlo snoò. (Si guarda un braccio, palpandoselo con cautela) Perché, s'a' dego morire, a' vuò morir san de tuti i miè limbri, e con sipia guarío... a' vuò fare che se dighe de Ruzante per tuto mé el roesso mondo. (Esce impettito, con l'aria fiera di chi rivolge grandi propositi).