Juto:Guida essenzial/Modificar

Da Wikisource
Guida essenzial

Inissio · Modificar na pagina · Formatassion · Gestion dei link · Discussion · Linee guida · Registrassion · Namespace · Aprofondimenti

- Ajuto

Modificar le pazene[canbia]

Scumisiemo dando un ocio ala prinsipae carateristica de wiki: modificar le pazene. A parte qualca pazena proteta, ogni pazena de Wikisource la ga na lingueta par sora co scrito su modifica. Chel link live te permete de far proprio quelo che sembra, overo modificar la pazena che te si drio vedare. Siti internet come 'sto qua, dove tuti i pole cambiare quelo che i vole, i xe ciamà col nome de wiki.

Prova! Verzi 'sta pazena: pagina de le prove, e struca sul link modifica. Te vedarè cossa se scrito inte la pazena: scrivi qualcossa, e dopo salvalo: te podarè vadare suitto el risultato. Se te voli altre spiegasion su come cambiare le pazene, va a lezerte: Come se modifica 'na pazena: te poli verzerla inte naltra finestra, e intanto seitare con sto tutorial.

Ogni volta che che te vorè fare dele prove de qualsiasi tipo, te poi sempre farlo inte la pazena fata a posta par chele robe live, che la ze sta chive: Pagina delle prove.

Varda anteprima[canbia]

N'altra funsion importante che te poi doparare da suito xe Varda anteprima, che te fa vedare el risultato dele modifiche che te ghe fato, sensa salvare la pazena par sempre. Prova a modificare la pazena dele prove, e dopo struca sul botòn Varda anteprima. Visto che a tuti pol capitare de fare on desfo, 'sta funsion te permete de giustare i nostri sbagli imediatamente: abituandose a doparare la visualisasion de l'anteprima te sparagni tempo e fadiga sia ti ma anca chealtri wikisourciani. Ala fine, a presindere da eventuali sbagli, l'anteprima te fa anca cambiare la formatasion dela pazena prima de salvarla, fin quando no te si contento.

Abituarse a doparare l'anteprima xe importante specie quando te pensi de far più modifiche sucesive: xe na bona idea salvare na volta sola, par mantegnere più ciara e consultabile la cronologia dela pazena. Salvare non frequentemente xe anca un modo par evitare i confliti de edision, che pol capitare quando du utenti i zerca de modificare la stesa pazena nel steso momento. Comunque, quando te modifichi grandi quantità de testo, zerca de farlo 'ndando vanti a fato (par esempio salvando un paragrafo ala volta), in modo che che 'staltri i possa seguire pi mejio l'andamento dele to modifiche.

Modifiche picenine[canbia]

Se te ghe fato log in come utente registrà, te pol contrassegnar le modifiche che te ste fazendo come picenine selesionando la cazea a posta nella pazena de modifica, prima de salvar. 'Sto accorgimento el xe stà fato par farghe vedare ai altri utenti che le modifiche che te ghe fato no le xe sostansiali. No ghe xe regole precise par decidare se na modifica la xe da considerarse picenina o no, de sicuro lo xe le coresion ortografiche e anca i giustamenti ne la formatasion (come zontare un wikilink o no spassio). In do parole, cambiar el aspeto visivo xe spesso na modifica picenina, invese cambiar el contenuto tendensialmente no lo xe: comunque, quando no te si securo no sta selezionar el box. Par na tratazion pi estesa, te pol vardare Modifica picenina.

Ogeto de la modifica[canbia]

Prima de strucare la pazena Salva la pazena, xe na bona abitudine metare un comento riasuntivo de le modifiche che te ghe fato nel campo Oggetto, che te pol trovar tra la finestra de modifica e i botoni de visualisasion anteprima e salvatagio. El comento pole esere anca tanto curto: ad esempio, se te ghe solo trasformà na parola in un wikilink, te pol scrivare "wikilink". El contenuto messo drento aiuta chealtri a capire quindi se le coresion le xe minime o sostansiai. Desso podemo seitare, vardando in breve la formatassion.


Guida essenzial

Inissio · Modificar na pagina · Formatassion · Gestion dei link · Discussion · Linee guida · Registrassion · Namespace · Aprofondimenti

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Juto:Guida_essenzial/Modificar&oldid=61003"