Juto:Fonte
- Ajuto
La fonte la indica la proveniensa dei testi cargai su Wikisource.
Pol parer un dato scontato, ma la xe na informassion estremamente inportante. Se no se sa da dove che vien un testo, no se pol saver se el xe stà trascrito coretamente, e se el xe lìbaro o no da copyright.
Par i testi de tipo proofread, la fonte la xe data dala pagina Indice, e quindi no serve mia indicarla altrove. Invesse par i testi non proofread, che i xe stà quindi trascriti da un libro cartaceo o da un sito internet, va conpilà i campi "Edission originale" e "Fonte del testo".
In "Edission originale" và riportà i dati de l'edission da cui se gà copià el testo (o, se el testo el vien da un sito, l'edission da cui el sito stesso el gà tolto el testo, se la xe indicà), nel formato: Autor, Titolo, Città, Editor, Anno.
In "Fonte del testo" và indicà el sito da cui se gà copià el testo, opure se pol scrivar: "fonte cartacea" se se gà doparà un libro cartaceo.