EPITAFFIO SEPOLCRALE AL MEDESIMO.
SONETTO
Quà drento xe sepolto quel Fratazzo,
Che giera pien de bobbe, e mal francese,
Che co quel so bestial, tremendo Cazzo,
4Ai ragazzi rompeva le scorese.
Nò solamente lù fava strapazzo
Delle case, palazzi, e delle Chiese,
Ma 'l diseva cogion, e visdecazzo
8Anca a quel, che ghe fava ben le spese.
L'aveva un grugno sporco, un muso bruto,
L'averave dormìo anca in t'un fosso,
11E del Diavolo 'l giera assae più astuto.
Prego tutti i viandanti quanto posso,
Come, che lù cagava da per tuto,
14Co i passa per de quà, cagarghe addosso.
