Baffo, savè, che quando se gà mal
Ogni cosa se fà per risanar;
Se tiol pottacchj, se se fà svenar,
4E se tiol anca in Cul un servizial.
Per sta mia sordità cussì fatal,
Ch'ogni miedego ha fatto zavariar,
Un rimedio i m'hà dà, che'l voi provar;
8Son quà, che ve lo digo tal, e qual.
Che me fazza pissar subitamente
In tutte do le recchie da 'na Dona,
11Che no fazza i corni al Cavalier servente.
Baffo, se cognossè sta fedelona,
Diseghe, che la pissa sta innocente;
14Ma temo, zà savè cosa xe Mona.
