Sta pagina la xe stà trascrita, ma la gà ancora da vegner rileta.
Il poeta s'arma del suo occhialetto legato in argento.
1Chi dirìa che sto ochialeto
Xe quel magico secreto,
Che me averze l’inteleto
Co piantà su l’ochio dreto
Fisso qualche bel museto,
Che go in cuor de celebrar?
2Chi diria, che sto istromento
Contornà de basso arzento
Xe una susta, xe un portento,
Che desmissia el mio talento
Co bazoto me lo sento
Dai cinquanta deventar?