Sta pagina la xe stà trascrita, ma la gà ancora da vegner rileta.
CONFIDENZE.
O Roma, o morte!
G. Garibaldi.
EN zardin, dopo messa, la matina,
A spasso me n'andava
Per goderme quell'aria frescolina
Ch'el cor me imbalsamava.
E da l'ombra zercando un po' d'agiuto
Contro sti eterni caldi.
In cao de tuti i viali e da per tuto
Vedeva Garibaldi.
El xe un coloso enorme de metalo,
Drito, in posa gagiarda,
Che imobile e piantà sul so cavalo
Volta la testa e varda.
Nel ciel puro e seren come uno specio,
Varda la note e el dì...