Pagina:In gondoleta.pdf/67

AH! POVARETA MI!...

---

— M'à visto el barba¹ Bortolo
     Ferma a parlar co ti....
     Madona! quante ciacole²
     4Desso el farà su mi!
                    «Fermarse in strada!» subito
                         Sbragiar³ me sentirò....
                         «Mi te go vista in estasi
                         8Filar el rococò!...⁴

La prima volta e l'ultima
     Varda che sia sta qua....
     Tose onorade....» eçetera
     12Desso el me cantarà!
                    M'à visto el barba Bortolo
                         Ferma a parlar co ti....
                         Madona! quante ciacole
                         16Desso 'l farà su mi!...

---

1. el barba = lo zio.
2. ciàcole = chiacchiere.
3. sbragiar = gridare.
4. filar el rococò = fare all'amore.