Sta pagina la xe stà trascrita, ma la gà ancora da vegner rileta.
UN DISNAR IN CAMPAGNA.
Nina, doman l'è festa!
Meti el vestito belo,
el capelin col velo
a boli de tempesta;
i guanti e la ventàla
dove che gh'è destesi
du tati1 giaponesi,
che fa zugar la bala.
Doman, te porto a spasso
al solito paeseto...
Là, ghe sarà un pranseto
co le botilie in giasso:
trifole,2 fonghi e fiori,
el camarier co i guanti,
e tanti e tanti e tanti
bomboni da signori!