Sta pagina la xe stà trascrita, ma la gà ancora da vegner rileta.
― Se fusse un cavalèr, faria i to abiti
tuti de seda de la me galeta;1
così vestida, condurte a la musica,
a far, tra le altre siore, la çiveta!
– C'èlo che supia? – l'è un'arieta magica
scapà zo da le nuvole de rosa;
eco sgolando, co le ale de porpora,
le surle2 soto i álbari, se sposa!
Finisse el giorno e dopo de ste ciacole,3
tute le cose perde el so color...
C'èlo che pianse? – l'è quela bon'anima
de me morosa che la va in amor...