Sta pagina la xe stà trascrita, ma la gà ancora da vegner rileta.
III.
– No te 'scolti?... Te tasi?... E te me ridi!
Te scurlo1 e te stè lì come de sasso?
Te me fè quele sgogne2 da paiasso,
e te squassi3 la gamba, e te me sfidi?!
Ah! I me l'ha dito, che te te maridi...
Te vô farte più sior, farte più grasso...
Te vô condurla la to dona a spasso,
parchè a 'ndarghe con mi no te te fidi!...
Ma parchè, par to fiol no gh'è giustissia,
no gh'è 'na lege che te tien ligado:
fora bastardi... Zà le donne sbrissia,4
bruto viliaco porco, svergognado...
Senti... Vàrdelo là che 'l se desmissia...
Va su la forca; te me l'è sveiado...