Sta pagina la xe stà trascrita, ma la gà ancora da vegner rileta.
EL CAMPANON:
Ci 'l sia sto gran omo che sona,
comare, mi proprio no 'l so.
– Din don, din den don – campanò!
LA CAMPANA DA MORTO:
Ci sona, da un toco a sta parte,
comare, compare ve conto:
l'è un genio che vol restar sconto,1
l'è Momolo Brenta, mi el so.
– Din don, din den don – campanò!
«Così tre campane,
vissine o lontane
secondo che el vento
voltava bandiera,
in prima de sera
cantava là drento.
E mi, sempre atento
a quel che le sona,
me ciamo contento
de metarle in verso...
Che dio me pardona
el tempo che ò perso!»
- ↑ sconto: nascosto.