Sta pagina la xe stà trascrita, ma la gà ancora da vegner rileta.
ghi n'è fin che costa un besso,
e ghi n'è che de val tri...
«Con parmesso, con parmesso,
che vôi vedarli anca mi.»
Le puete bele bianche,
le se buta fora in strada;
un caval da do palanche
l'è drio a trarme una peada...1
Sto tranvai co i so vagoni
par che el fassa: fu, fu, fu!...
«Bei maroni, bei maroni,
de comandelo, anca lu?»
Giovanin, l'è meso mato
par sta bela carossina;
«Mandolato! Mandolato
tuto màndole e farina...»
Quanta gente! Che boresso,
drio a 'na tromba che fa piiiii....
«Con parmesso, con parmesso,
che vôi védarla anca mi».
- ↑ peada: calcio.