Sta pagina la xe stà trascrita e rileta.
co la so facia tirada a fil,
col so vestito taiado a fete,
a seconda che l’ombra ghe permete,
del campanil.
O colonete, sutile, sutile
come un brasso de dona ben tornio,
fiole de un arte nata sensa bile,
che parì ferme e pur ve corì a drio;
che sì tute così, come una festa
de moneghine, che no pensa a gnente,
col vostro mato capitel in testa,
sempre compagno e sempre difarente...
No savìo dirme no, bele signore,
come Giulieta l’à passà ste ore?
Le colonine me risponde alora:
Fè a pian, fè a pian, parchè la dorme ancora!