Gera nata fra Venere e Cupido

by Gian Giacomo Mazzolà

3 X I cavei de Nina IX XI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

X

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  IX

Edission e fonte ▼

XI  →

X

Gera nata fra Venere e Cupido,
     No ve dirò per cossa, una barufa:
     Inviperìa so Mare smania e sbrufa,
     4E 'l Fio ghe rispondea nana che rido:

Senti, se mai più in Ciel, la dise, o in Cnido
     Ti torni, oh! te voi sbater ben la mufa.
     Responde lu: Eh per questo no go fufa,
     8Lioghi no me ne manca, me confido.

— Va pur, baron, va razza maledeta;
     La ghe replica; e lu: Vardè se vago;
     11E in testa el svola de la me Nineta.

Qua, più che in Cnido volentiera stago,
     Questa, el dise, sarà la me caseta,
     14Petève el vostro Ciel, che ve lo dago.