Da le barbare Belidi i crivei

by Gian Giacomo Mazzolà

3 XCVI I cavei de Nina XCV XCVII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XCVI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XCV

Edission e fonte ▼

XCVII  →

XCVI

De le barbare Belidi i crivei,
     La rioda dal sacrilego Ision,
     L'osèlo che da Tizio va a bocon;
     44E de Tantalo l'acqua, e i pomi bei;

Tuti i castighi infin, tuti i mazzei,
     Che zo a l'Inferno prova ogni baron,
     L'Inferno istesso, senza adulazion,
     88Me par proprio robète da putei.

Zogatoli i me par, minchionarie,
     Confrontà co l'Inferno che ò de drento,
     1111Coi me tormenti, co le pene mie.

Crudo Inferno in mi averto da una Drezza
     Bela sì, ma crudel, e che un momento
     1414No me lassa de pase e contentezza!