Co destende el so vel la negra note

by Gian Giacomo Mazzolà

3 XXVIII I cavei de Nina XXVII XXIX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXVIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXVII

Edission e fonte ▼

XXIX  →

XXVIII

Co destende el so vel la negra note
     Dorme fra le caene el presonier,
     Dorme soto una pianta el pegorer,
     4E 'l pelegrin sui sassi o su le mote;

Repossa i condanai ne le galiote,
     Repossa in alto mar el mariner,
     Repossa in mezo a l'arme anca el guerier,
     8E fin le bestie e i osei per ciese e grote.

Tuti la note dorme e se repossa,
     Tuti la brama, e mi anzi co la vien,
     11Causa vu Drezze e Amor, me vien l'angossa

Che invece de dormir e repossarme,
     Le intierissime note me convien
     14Vegiar, sbasir, smaniar, zemer, smissiarme.