Queste è le so' querele; e vu tratanto
Sconvegnì tolerar la brena, e'l morso:
Sè tormentai; ne ve puol dar socorso,
100In sì fiero destin, Santolo, o Santo.
Me vien da rider, quando sento a dir:
O, se podesse conseguir la tal,
Ch'hà cussì rico, e grosso cavedal,
104Voria pur la mia sorte benedir!
Quanto haverave mai giubilo al cuor!
Quante gran cosse saverave far!
Che gran fortuna! O mato da ligar,
108Và pur in prova, e cavete l'humor.
Altri hà pur fata sì copiosa pesca.
Altri hà cavà sì rica grazia al loto,
Che brameria, per quiete, un Cameroto,
112E, per fin de i dolori, una baltresca.
Ma l'uno, e l'altra sia d'ugual fortuna,
E ugual d'età, ma deme nobil questa,
E quel'altro plebeo, d'haver no' resta
116L'infelice Christian sorte importuna.
