Sul trafego de la monea

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Sul trafego de la monea
Canzon
6 febraro 1849
Edission e fonte ▼
Canto patriotico scrito durante l'insuression de Venexia contro i Austriaci del 1848-49, firmà senplicemente "Un Barcariol" (N.d.R.)
[p. 339 modifica]
SUL TRAFEGO DE LA MONEA


Canzon.


Xe una cossa imperdonabile,
    E che merita rimarco
    Che ghe sia dei boni stomeghi
    4Che ingarbugia anca San Marco;

E che i vegna co un delito,
    Fato pubiico e palese,
    Sporcamente a trar profito
    8Dai bisogni del paese.

Mi me par proprio impussibile,
    Che 'l Governo sia contento,
    Che se trafega le svanzeghe,
    12Sin al dodese per sento

Ah sti barbari, che ga
    Sto proceder cussì tristo,
    I par quei che ga inciodà
    16Su la croze Gesù Cristo!

La fatal operazion
    I la calcola un'inezia,
    E no i sente compassion
    20De sta povera Venezia,

Che ridota xe languente
    Da Castelo a Santa Marta,
    Che co scorno de la zente
    24La s'à messo a sunar carta.

Ah birbanti! no vedè
    Che finì de rovinarla;
    E mi stimo vu altri tre
    28De no meterve a salvarla!

Via, ve prego, descanteve,
    Ascoltè un repubblican;
    I doveri ricordeve
    32De chi ga un governo in man.

Castigheli sti sassini,
    No gabiè più remission;
    No xe veri sitadini
    36Quei che fa sta operazion.

6 Febbraio 1849
Un Barcariol.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Sul_trafego_de_la_monea&oldid=46821"