Sessanta volte 'l Sol hà zirà tuto
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Avanti de morir mi voggio dar | Edission e fonte ▼ | Farse chiavar voleva una Puttana → |
Sessanta volte 'l Sol hà zirà tuto
El Zodiaco dal dì, ch'hò averto i occhi,
Da zovene mi giera tra' i alocchi,
4E a vegnir vecchio hò fatto qualche fruto.
Hò visto, che 'l Demonio no xe bruto,
Come, ch'i lo depenze sti marzocchi,
E che me cogionava, ma coi fiocchi,
8A creder, che ghe fusse Giove, e Pluto.
El mal xe, ch'in quel tempo, ch'aumentando
S'andava in mi la bella cognizion,
11M'andava 'l Cazzo sempre più calando,
A segno tal, ch'ancuò no l'è più bon,
Tanto, che trà de mi vago digando,
14Giera meggio morisse da cogion.