Se fusse...
|
Edission original: |
Giuseppe D'Alpaos, Svoladine e refoli, Venezia, Fratelli Visentini, 1897 |
|
Fonte: |
Indice:D'Alpaos - Svoladine e refoli, Venezia, Visentini, 1897.pdf |
| ← Cossa val... | Edission e fonte ▼ | Se dise → |
SE FUSSE...
Se fusse un gran signor te vestirìa
De raso, de veludo e de merleti;
Te impeniria de fiori e de confeti
E po, lontan, co mi te portaria!
Se viagiarìa per tera sui direti
E nei primari alberghi se andaria
Dove la note e 'l dì se passaria
Vivendo de bomboni e de baseti!...
Mi credo che sto qua sia un bel progeto...
E, se gavesse un ragio de la sorte,
No tardarìa de mèterlo in efeto:
Ma se restar dovesse un povareto
E le dovesse andarme tute storte...
Dividaria co ti la fame e 'l leto!