Se de Venere el putelo

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Canzonetta veneziana
1777

 Edission original:   

"Tutte le opere" di Carlo Goldoni; a cura di Giuseppe Ortolani;
volume 13, seconda edizione; collezione: I classici Mondadori;
A. Mondadori editore; Milano, 1955

 Fonte:

http://www.liberliber.it/mediateca/libri/g/goldoni/componimenti_poetici/pdf/compon_p.pdf

Edission e fonte ▼
Dal dramma per musica I Volponi, Atto II, Scena 12.

Se de Venere el putelo
In Citera ha avù la cuna,
De Venezia la laguna
L'ha nutrio e l'ha arlevà.
5Son sta in Franza, e son sta in Spagna,
Son sta a Londra e in Alemagna,
Ma ste care cocolette,
Veneziane graziosette,
Ma ste care trottolette
10No se trova altro che qua.
Gh'è per tutto dei vulcani
Che fornisse Amor d'archetti,
Ma in Venezia i bei occhietti
Xe più forti, e meggio i tra.
15Son sta in Svezia e son sta in Prussia,
Son sta in Grecia e son sta in Russia,
Ma ste care cocolette,
Veneziane graziosette,
Ma ste care trottolette
20Non se trova altro che qua.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Se_de_Venere_el_putelo&oldid=49935"