Risposta al batelante

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Risposta al batelante
26 zenaro 1849
Edission e fonte ▼
Canto patriotico scrito durante l'insuression de Venexia contro i Austriaci del 1848-49, firmà senplicemente "Un Peater" (N.d.R.)
[p. 324 modifica]
RISPOSTA AL BATELANTE


Qualunque sia che scriva
    Mi no m'importa un'aca,
    Me basta che i descriva
    4Quel che no se destaca.

Intendo a dir co questo,
    Che quando xe stampà,
    Tuti gabia da lezar,
    8Capir e lassar là.

Sento che un batelante
    Esalta assae Manin,

[p. 325 modifica]

El loda Cavedalis
    12Da vero sitadin;

Me piase — e fra parentesi
    Vorave compensarlo,
    In fazza tuto el popolo
    16Vorave anzi premiarlo.

E co un de quei miracoli
    Ch'i à fato in Israele
    Cambiarghe in t'un trabacolo
    20Quel povaro batelo.

Ma sul punto medesimo
    Mi ghe voria insegnar,
    Che tuto va benissimo,
    24Ma po che no 'l sa far,

Perchè va ben ch'el nomina
    Manin e Cavedali,
    Va ben — so persuasissimo
    28Che no ghe sia do eguali;

Ma ch'el lassa per ocio
    Do gran Repubblicani,
    Come do barche a torsio,
    32Sior Pepe, e sior Graziani...

Questo xe un falo d'ordine
    Lo digo e lo mantegno,
    Bisogna che no 'l gabia
    36Proprio la testa a segno.

Bisogna ricordarse
    De chi ne fa del ben,
    E no desmentegarse,
    40Lassarli a siel seren:

Meteve dunque in regola,
    Per questa e un'altra volta,
    Per no farve ridicolo
    44Presso chi ve ascolta;

Cussì comparirè
    Giustissimo Italian,
    E contro tuti i Re,
    48Sarè Republican.

26 Gennaio.
Un Peater.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Risposta_al_batelante&oldid=46818"