Quando

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Ricordi Edission e fonte ▼ Rondinele  →
[p. 37 modifica]
QUANDO....



Quando, Nineta mia, quando saremo
     Do veci bianchi, sechi, sdentegai,1
     Forse 'l tempo passà ne scordaremo
     4Quando s'avemo tanto idolatrai.

No capiremo più come in tel cuor
     Ghe sia sta in te quei tempi tanto amor,

No capiremo più, Nina, più mai,
     8Quanti basi fra nu si sta scambiai.

No ricordando più, Nina, l'afeto
     Che tuti do 'na volta s'à sentio,
     Se trovaremo el desiderio in peto
     12De riadorar el nostro vecio Dio.

Alzaremo la sbezzola,2 e slongando3
     El colo e i lavri se 'ndarà çercando

Se tra le rughe mai, per qualche caso,
     16Ghe fusse el logo adato per un baso.

E quando po, ne l'estasi beata
     De un baso riuniremo i veci cuori,
     Ricordaremo ben la vita mata
     20Gioconda e dolçe de quei nostri amori.

[p. 38 modifica]


Se vedaremo zoveni e fiorenti,
     Ritrovaremo i za scordadi açenti,

E ne l'estasi dolçe, Nina, 'scolta,
     24Se adoraremo, cara, un'altra volta.




  1. sdentegai = sdentati.
  2. sbezzola = mento sporgente.
  3. slongando = allungando.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Quando&oldid=60082"