E i luméti, finalmente,
de le barche che camína,
che se avanza lentamente,
se alontana, se aviçína,
par falìve, che abia sparse
la grand'anima del mar,
via par l'acqua drío a çercárse
el buséto per tornár.
Rente a mi, pò, nel Cafè,
un gran mar de capelini,
bei muséti, bei.. gilė,
freschi lavri porporini
che a sorbir co' dei robéti
le granite andava drio
come sora altri sorbéti
farà un giorno, pó, so fio..
E la luna splende in çielo,
e le stele fa a l'amor,
el xe un quadro tanto belo
ch'el consóla a tuti el cuór:
calma e fresca un fia' de ariéta
ogni tanto vién dal már...
O Venezia benedeta
non ti voglio più lasciar!
