m'ò, un fia' a la volta, el belico
furór sentío a passár,
e, come xe el mio solito,
m'ò messo là, a vardár.
La lezíéra, oscura massa
tuta involta nel mistero
de San Zorzi, là, de fassa,
che par quasi un.. Sansevero,
co'l so svelto campanil
al Baçín fà da piantón,
come mi là, co'l fusíl,
ghe lo fava a le presón.
La Salute sù, in altezza,
la so cupola a penélo
sporze, tenara carezza
che Venezia manda al çielo;
e gh'è el Lóid d'austriaco pêgio
ch'el par quási pénsar sú
se no fusse forsi megio
de Italián farse anca lù.
