in quel momento tragico
forsi no'l ga sentío
quel che à provà l'impavido
teritoriál cuór mio
quando che duro, rigido,
fiero m'ò messo là,
co' in pugno l'infalibile
moschéto a speo inastà!
La sicurezza civica
del Ponte de la Pagia,
la lege che inflessibile
punisse la canagia,
l'onór de La Teribile
messo ne le mie mán,
de fronte al rispetabile
publico Venezián!
I xe momenti, caspita,
che mai no capirà
un'infeliçe bipede
che mai sia stà soldà.
Ma, dopo un çerto termine
de vigíle faziòn,
visto el nissún pericolo
d'una complicazión,
