In sintínéla
(Ricordo de la vecia Milizia Teritoriál)
Tuti crede che mi scherza,
ma sta 'l fato che, dasséno,
s'anca desso so' de terza,
miga atorno no li meno,
co', riandando la mia storia,
fra i ricordi del passà
posso darme pur la gloria
anca in prima d'esser stå.
Fin su questo, zà, la mia
de odisséa xe stà una spezie:
fato bon de artigliaría
(fra le bombe, miga inezie!)
adatáda al caso mio
una lege i gà mandà
e cussì, piasendo a Dio,
drito in terza so' passà.
