Questión de abitudine
Toni speziér n'à a tuti garantído
che in leto anca co' un scheletro
lu gavaría dormido.
E forsi ga razón Toni spiziér:
el xe avezzo a dormir co' so mugér.
Amòr cieco
Orbo amór i l'à dipinto
miga in quanto ai so matessi,
ma par vía che senza bessi
no l'è solito a cantár.
Analisi logica
D'analisi el dover mentre che el fà
Pierèto ghe domanda a so papà:
― Amár, papà... che tempo mai che el sia?..
― Eh, bambin mio.. l'è tempo butà vìa!
Le tose al Liceo
(dialogo fra do pari de famegia)
— To fia che studia letare,
se fala dunque onór?
― Si, caspita: figurite!..
La sposa el professór!
