Rotámi
Fra serva e paròn
— Bevi el vin, ma pò l'aqua no zontarghe,
dixe a la serva un tal che vol criarghe,
perchè altrimenti, in sta maniera quà,
ti ti lo bevi sc'eto, e mi slongà!
Al Restaurant
Gh'è un'aventór che xe tuto irabià
perchè una mosca in piato el s'à catà:
epúr gh'è el camariér che giuraría
de averghele butade tute via.
Al Regimento
El capitano medico una lista
ga fato de soldái curti de vista
che d'ociái ga bisogno ad ogni costo:
ma el colonelo subito s'à oposto.
Perchè, l'à dito lu, se quà ai soldái
ghe permetémo de portár ociái,
la va a finir che, dopo, el caporál
vorà tor suzo almanco el canociál!
