El so bàgolo devento,
de zogatolo ai putéi:
chi me fica drento i dei,
chi a la coa me taca in zò.
E i me mete a panza in suzo,
el dispeto mio più grando:
mi me vado remenando
ma, a voltárme, go da fàr;
e pó i crede che mi gabia
l'ale sconte ne la panza,
co' parària su i me slanza,
e i me varda, pò... a cascàr.
Ma zogár vol anca i grandi!!..
perchè gh'é st'altra storiela
(che anca quela la xe bela),
che a mi sora i vol montàr.
No la xe mai terminada:
monta questo, monta quela...
i me schizza, i me sbuéla,
e me toca toleràr!
No me dà nissùn fastidio
qualche tosa vaporosa,
che me pusa su, graziosa,
profumà el so bel penín:
