E mi ziro: e, co' so' in marcia,
par che nua fando la strada,
vado via co' la caláda,
paro un giudiçe in pensión:
imagáda vardo in suso
i oseléti che i se svaria...
quela, zà, de andár parária
saría stà la mia passiòn.
Cussì mi saría feliçe:
ma se a sorte, po', me imbáto
nel gran mostro del creato,
cò 'l me vede, el me tol sù.
Ah! Sia l'omo maledeto!...
Credi pur, anima mia,
che la pase go finía
s'el me porta via co' lù.
Co' mi rivo int'una casa,
lori i vol che ciapa i sc'iavi [1]
che xe a córar tanto bravi,
cussì svelta che mi so'!
- ↑ Scarafaggi.
