Su la pele a grata casa,
la camísa xe grosseta,
no la cambio, ma l'è neta,
no la imbombo co 'l sudór:
go la testa, fata a scombro,
che la xe tuta pelada,
ma me ga, pò, rovinada
la passión che go nel cuór.
Del color de le peáte
paro un socolo chinese,
armadura giaponese,
o una scarpa da soldà;
no go gnente del moderno,
go del che d'un scarabéo,
paro un bronzo da museo,
una egizia antichità.
A un caício [1] voltà in suzo
go sentío paragonàrme,
e, no fusso per vantàrme,
ma m'à piasso el paragón:
- ↑ Scialuppa.
