Da l'ombra al sol.
Mi, co' vado a l'ostaría,
perdo tuto l'apetito,
e anca i piati vía traría
perchè gnente i fà pulito:
sorbo el brodo a boca mola
perch'el sa da sbrodeghin,
le minestre me par cola
e le sà da pignatin.
E xe stopa o sióla el lesso,
nè gà el rosto più costruto,
e xe el frito un slimeghésso
imbombà de vecio struto:
scarta e fiápa la saláta
la xe sempre da curár,
e gh'è i tochi de patata
che i xe mezi da pelár.
