Tantochè, po', una caróta,
stomegáda da sto afár,
dito gà de colpo in bota:
«No te star tanto a impongár!
Ti xe in alto, mi no digo,
ma t'à ocórso barba figo:
senza el figo, cara mia,
ti saressi quà oro via.
Mi so' picola, e so' abásso
ma uná cossa me consola
che quel poco che mi fasso
me lo fasso da mi sola;
tiente salda, che se abasso
mai ti vién ti và in sconquasso:
ma anca in alto se ti stà
sempre zuca ti sarà.»
