E, perchè la finisse de sofrir
ghe nó parlà, per vendarla, a un bechér:
ma prima ghe lo so' vegnudo a dir
per no darghe, a le volte, un dispiaçér...
Quel signor restà là gera a sentir
andando a st'altro mondo co'l pensiér;
ma dopo che la bestia el ga vardáda
e ch'el l'à ben fissada e examinada:
No, el dixe, ti te sbagli: questa quà
la bonanima xe de mia mugér!..
Ma go provà una volta, e m'à bastà...
Ti pol pur combinarte col bechér.
