PER L'ANNO 1735.
LA GNOCCOLARIA
DE VENTURA PONTAFORTE
DA MACCAFRASA
A SO' CELENZIA
TOGNO GRIMAN
CAPITANIO E SVICE PODESTÀ DE VERONA.
SEgnor, che causa si de sta legrìa,
E si quel Sol che tutti ancò ne indora
Compatì sto Villan no 'l cazzè via
Co 'l dirghe vate scondi, o và laora;
Parlo così, perchè la scienzia mia
No l'ha podesto deventar megiora
E se no son Poeta Arcado, an mì
Son Veroneso como i altri, e an pì.
E vù Sior Polo, e Muse quante sì
Ve prego deme man in sta facenda,
E deme del megioro che ghavì
Azzò sotto sta carga no me renda;
Ma cantando la grolia de sto dì
Fè che agnuno el me dir solito intenda
E no i diga: sto matto ancò el zavaria
O gha levà el cervel la Gnoccolaria.
