EL Mondo è grando, e gh'è tante Cittè,
E tanti gh'è ch'ha slaudà la soa;
Ma dei pori Villani uno no gh'è,
C'habbia volesto dirde ben per doa,
Come se i fusse cani mal vardè
Per questo i chen tegner bassa la coa;
E in somma sen tegnui nù contadini
Come tanti descalzi malandrini.
Che però quan la cosa sia così,
Sebben ne son Poeta, ne Slitrà
Ho pensà de volerme metro mì
A slaudar la Villa, como zà
Verzilio, e quarcun'altro ha fatto un dì:
Quel che dirò sarà la verità,
Che ne me voi impegnar a sostentar
Cosa che i me podesse contrastar.
Basta che Messer Pollo, e le so Siore
Ghe meta una spalleta, e le me daga
Un tantin del so spirito; de core
Le suprico, e le prego alla me baga
Dar un po del so fià, perchè le fiore
Vien dal Vezoto, gne occor pì che vaga
A torde na spanzà como solea
De quel che lena, e forza me dasea.
