PER L'ANNO 1755.
ARCIGNOCCOLARIA
DE VENTURA IN MASCARA DA DOTTORO
PRESENTÀ EL VENDRI GNOCCOLAR
A SO CELENZIA
BORTOLO IV. GRADENIGO
CAPITANIO, E SVICE PODESTÀ DE VERONA.
ST'anno no canto miga per el lecco,
Che fà cantar quarcun, gne per la gola
De farme el gosso, e de mogiarme 'l becco;
St'anno me fà cantar na cossa sola,
Mai per farve rossir, mi ve la digo,
CELLENZIA, e zà de Vù la Fama sgola,
El vostro Lomo, el Lomo GRADENIGO
E 'l vostro far, Moreolo RETTORO,
M'ha descantà, m'ha messo l'Estro antigo.
El Lomo de quel nostro bon PASTORO,
Gramarcè a Lù mi son quel ch'ancò son
Dal cor nol me và via fin che no moro,
Questa questa ve zuro è la rason,
Perchè Ventura rompe un zuramento
Per così dir, e muda la punion,
La mudo, e de mudarla no me pento,
Salvo l'onor de tutti, quan ve lodo
Dago a tutti piaser, per quanto sento.
