Irma
a Momi, fra i denti, aggressiva.
Ti ghe la buti sempre fra i piè; ti xe un stupido. Se ti credi, fasendo cussì, de no renderte ridicolo....
Momi
umiliato.
Mi no fasso gnente che....
Irma
fra i denti, aggressiva.
Tasi. Fame el piaser: tasi. Te xestu ricordà de quela roba?
Momi
mentendo, impacciato.
No gavemo gnancora fato i conti.... el ragionier no'l ne ga gnancora liquidà el bimestre perchè ghe gera una question....
Irma
seccata.
E mi, come fasso?
Momi.
Ghe penso mi, dopo.... Xe vegnuo qua anca el toso de'l Toto a farse pagar un
