Sioria.
Diritto, forse, el ghe sarìa.
Bortolo.
Mi fazzo causa. E se la vinzo, vegno a star anca mi qua dentro, col can, co i osei, co le chebe, anca co le luganeghe fresche che go messo a fumegarse in cusina.
Sioria
sornione.
E co la serva.
Bortolo
lo guarda sospettoso.
E.... sì, sior Sioria: co la serva! Adesso intanto, co vegnarà Momi Tamberlan, me farò sentir mi.
Sioria.
Ma.... pol darse che no sia vero, che le sia ciacole de la zente.
Bortolo
con rabbia.
Quela malegnaza de quela mestra, che la ga velenà la vita de mi no so quanti putei, che la ghe velena i ultimi ani a
