Bortolo
Chi vustu che li vogia? I ziga, e no i paga....
Sioria
dopo un attimo.
E che i gavarìa deciso, per intanto, de vegnir a star qua.
Bortolo
balza in piedi.
Cossa? Vu sè un vecio mato, e forse anca imbriago.
Sioria.
Mi go dito quelo che i dise.
Bortolo
acceso e strangolato dalla collera.
E nualtri? e mi? Nualtri qua no contemo gnente, ah? Come do piavoli nualtri. Ah, perchè Piero Scavezza xe vegnuo a star qua, a ocupar provisoriamente un buso de sora.... «provisoriamente» perchè ghe xe andà via la serva e el ga i dolori de schena, st'altri se credarìa in dirito de trasportar qua baraca e buratini?
