Ginetta
ansiosa.
El medego.... cossa galo dito a lu el medego? El sia sincero, sior Bortolo.
Bortolo.
El medego ga dito: pol darse. L'età, esaurimento.... e po' la batosta de quela note.... Se ricordela come che lo go portà a casa?
Ginetta.
Oh, se me ricordo!
Bortolo.
El ghe voleva ben, ah?
Ginetta.
El ghe ne vol ancora.... el ghe ne vorà sempre.... La xe stada la so rovina! Ma no'l me ga gnancora dito, sior Bortolo, come che 'l li ga visti.
Bortolo.
Ciò.... el gera in mascara, el xe andà ne'l so palco. No i lo ga riconossuo. El li
