Bortolo.
Sì. Quei xe malani che in casa no se li cura.
Ginetta.
Ma lu stesso no 'l vorà, el se agiterà. No'l sa de esser malà. Lu no se recorda de le crisi. Co le ghe passa, ghe par de aver dormio. El se svegia co i ossi roti, straco, e ghe par de aver dormio mal.
Bortolo.
Ma no 'l vol più andar fora de casa, perchè 'l dise che 'l li ga visti, che i xe qua, che i xe passai soto le so finestre.... che'l ga anca sentio che ela la cantava e la rideva.... Vedela? Questo el lo dise ne i momenti che ela ghe ciama tranquili.... I lo curarà ben.
Ginetta.
E che'l guarissa?
Bortolo.
Pol darse.
