Bortolo
dopo un attimo di esitazione, senza guardarla.
Mi ghe digo che son impiantà mal, in casa mia. Lo so. Ma oramai no posso cambiar la mia vita. Daresto, tuti crede che sia impiantà pezo de quelo che son! La Cate la xè 'na serva.... sì: 'na servazza! La lo diga pur. Ma no la xè cativa. La ga fato de'l ben a tanti, e no la ga voluo che nissun lo savesse: de 'l vero ben. La vegna a star co nualtri.... se ghe comoda. Mi no so dirghelo in un altro modo: ma bisogna che la me capissa. Ormai se pol dir che son restà el solo de la congrega. Se ela resta sola go el dover....
Ginetta.
Ma sior Bortolo, credelo proprio che bisogna?
Bortolo.
Per el ben suo de lu.
Ginetta.
Per el ben suo?
