Bortolo
a Ginetta.
Oh, signorina! Bonzorno.
A Sioria, aspro, ringhioso.
Cossa feu vu qua? No sè andà a Fenèr?
Sioria.
Sior sì.
Bortolo.
E ve gavevo dito, co tornavi, de passar da mi, perchè gavevo bisogno.
Sioria.
Me son fermà qua a tor 'na scuéla de late.
Bortolo.
Gero bon de darvela anca mi.
Sioria.
Alora, el me diga cossa che 'l vol.
Bortolo.
Da 'l momento che sè qua, tanto megio. Gera proprio qua che volevo dirve de vegnir. Speteme che ve ciamo. Andè in cusina co la serva.
