stu via? Ti ciapi la scossa. L'unico che gavemo trovà a la vecia, xe sta questo. Ma no te digo la paura, el fredo.... Se semo butai in t'un fosso. Per fortuna che no gavemo perso el cimelio: ghe xè anca el nome tacà. La sarà una prova, no?
Momi
trae dal portafogli l'avviso di contravvenzione.
E questa? Multa: per schiamazzi notturni. Ghe la portaremo a l'avocato insieme a questo.
Bortolo.
E bisogna proprio andar anca al veglion? Son straco morto: go la tosse.
Momi.
Il dovere!
Bortolo.
Me dol i ossi! E st'altro che xe là co la gamba rota?
Momi.
Bisogna che'l se fassa far un certificato medico. Ghe penso mi doman.
