Pagina:Rime in dialetto veneto di Polifemo Acca.djvu/9

Da Wikisource
Sta pagina la xe stà trascrita, ma la gà ancora da vegner rileta.


     In un certo local, dove se unisse
Le cime dei più nobili mistieri:
Preti e maestri che le mola fisse,
Proti, spazzacamini, capeleri;
E per vèderghe ciaro in sto mis-mas.
Ghe xe ’l factotum d’un’usina a gas.

     Pago e traverso el Tergesteo de volo,
Come un’ombra che passa fra la zente;
Lezo el listin dei cambi a rompicolo,
Che dopo za no me recordo gnente;
E a cento Ludri dandoghe de naso,
Entro a man salva nel cafè Tomaso.

     Là trovo un club de medici e avocati
Ch’a l'ocasion ghe ne sa dir de bele;
Politici, antiquarj, leterati,
E tirapiè de Dedalo e d’Apele,
Che missia come vovi strapazzai
Le bale1 de la Borsa e dei zornai.

     Quando me sento mezo snombolà,
O che me zira l’oca per la testa,
Co son tuto in un'aqua o rafredà,
E me disturba quela porta o questa,
Me tiro quacio quacio in un canton
Che ve paro una mumia de Venzon.

  1. Bubbole.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/9&oldid=71014"