Pagina:Rime in dialetto veneto di Polifemo Acca.djvu/7

Da Wikisource
Sta pagina la xe stà trascrita, ma la gà ancora da vegner rileta.
CHI XE L’AUTOR?


     Quel moro, scarmo, co la barba intiera,
Dal naso grego e dal color de cera,
Che sa predir la piova e la tempesta
Avendo sempre qualche rana in testa.
Quel giazzà che va sempre in soratuto,
Che parla a meza vose o fa da muto;
Che schiva i ziri d’aria e ga paura
Ch’una mosca lo spenza in sepoltura;
Che fila in un caligo sempiterno
E ga fredo l’istà, caldo l’inverno.
Conosserlo voleu più da vicin?
Lezè quatro fazzae del so tacuin.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/7&oldid=71012"