EL SPENDACION
Sparagnar! E per chi? Mo cara ela
No la me vegna fora co ste fote:
Ficarò nel pagion le banconote
Per farghe tuto el dì la sentinela?
Sparagnar! Questa sì che la xe bela!
Ve capita la schizza1 e bona note:
Che le braghe sia nove o le sia rote,
Vogia o no vogia za vignimo a quela.
E po: gala mai visto el funeral
D'un milioner da tuti maledio?
Gran festa in piazza e catafalco in domo;
Invece per chi mor a l’ospeal:
Un zoto avanti e quatro babe drio:
Xe più de quelo che ghe basta a un omo.
- ↑ La Morte.
